|
Shillong:Ka Gokulam Kerala ka la pynliem ia ka Shillong Lajong da 3-2 kol ha ka jingiakhun kaba iakhaid bha ha kane ka janmiet sngi u blei ha ka I-League ba long ha madan EMS Corporate stadium ha Kozhikode, Goa.
Ha ka jingialehkai, ka Lajong ka la ioh ban thep da u Abdoulaye Koffi hynrei u Alajmi ka Gokulam u la pyniakhai. Kham hadien, ka Lajong ka la ioh biang ban thep da u Juho Oh hynrei ka Gokulam ka la lah ban pyniakhaid bad knieh nam tam syndon lyngba ki kol na u Kivi Zhimomi bad u Arjun Jayaraj. Ha ka jingshisha, ka Lajong ka la iakhun kham bha hynrei namar bym dei ka sngi, kam lah ban leh eiei haduh ban wai syndon ka jingiakhun bad ka hap ban pdiang ia ka jingshah rem. Ka Lajong ka la kamai 17 point haduh mynta bad kan hap ban iakhun sa ia ka Mohun Bagan ha ka 3 tarik Rymphang ha madan JN Stadium, Shillong. |
