“Wat jied MDC ia U Ma Welcome”

Shillong,3 Naiwieng:
U nongkren jong ka Executive Committee , ka Jaintia hills Autonomous District Council, Jowai, ula kyntu ia ki paidbah ka Jaintia ba kim dei ban dang jied nongmihkhmat ia u Bah Welcome Dkhar, ‘Husiar ban jied nongmihkhmat kum ia utei u briew’ ong ka kyrwoh na u Ma L S Shylla.
Ka JHADC lyngba u nongkren jong ka , ka la ther tyngeh ia u Ma Welcome da kaba kynnoh ba ki jingkren jong u halor ka phiah Konstitwensi ki dei tang ki jingkren lamwir – ki bym shongnia. Ka la ong ba u Ma Welcome u la kren pyrshah ruh ia ka Executive committee kaba mynta bad khamtam ia ka jingim shimet jong u CEM u Ma M.B Rymbai. Ka JHADC ka la kynnoh ba u Ma Welcome ruh u dei u briew uba la dep ia soi lang ia ka jingphiah konstitwensis kaba u la soi ha ka 30 tarik u Nailur 2013.