Iasoh KHNAM U MDC Laitkroh

Shillong, 3 Naiwieng:
U Bah Carmel Sohtun MDC jong ka Laitkroh ha ka 2 tarik mynta u bnai u la pyniasoh ialade bad ka Khun Hynniewtrep National Awakening Movement (KHNAM). U Bah Carmel haba pyniasoh ialde sha ka KHNAM u la ong kum u MDC un iakhun na ka bynta ka jaitbynriew bad u la jied ia ka KHNAM namarba ka dei tang ma ka ka seng kaba ieng halor ka nongrim ban iakhun na ka bynta ka hok bad lawei jong ki paidbah ka Hynniewtrep. Ka KHNAM ka la pynpaw ia ka jingkmen bad ka jingpdiang sngewbha halor ka jingwan pyniasoh u MDC ka Laitkroh. Yn leh burom ia ka jingpyniasoh KHNAM u Bah Carmel bad yn thaw ruh ia ka Laitkroh Constituency Committee ka KHNAM ha ki taiew pdeng u naiwieng ha Laitkroh.