Sohiong: U MDC ba mynta jong ka Sohiong uba dei ruh u kyrtong ka seng HSPDP u bah Samlin Malngiang ula tangon tyngeh ia u MLA ka Sohiong u bah HDR Lyngdoh, kyrtong jong ka seng Congress da kaba kynnoh ba utei u nongmihkhmat u dei uba synshar donbor hapoh ka konstitwensi.
“U bah HDR Lyngdoh u dei uba pynpait ia ki shnong ki thaw, ym don jingiasuk shongsaiñ hapoh ki shnong ki thaw, ha kawei ka shnong ki la mih haduh 10 ngut ki sordar ruh, ki sordar ki la mih kum ki tit, dei hapoh ka jinglong MDC jong nga kaba tang shisnem shiteng ba nga la pynduh noh ia katei ka jingiapait ia pra hapoh ki shnong bad mynta ki la ia shong suk shongsaiñ” ong u bah Samlin Malngiang haba kren ha ka jingialang paidbah jong ka seng HSPDP kaba la long mynta ka sngi ha Sohiong.