Ka ain shongwai kam kren ia ka jingwan rung be-ain: SSSS

Shillong,1 Naiwieng:
Ka Synjuk Ki Seng Samla Shnong (SSSS) lyngba ka kyrwoh ba la phah da u General Secretary u Vanshan S. Buhphang , ka la ong ba ka Meghalaya Regulation of Landlords and Verification of Tenants Bill kam da kren than ia ka jingwan rung kyrthep ki briew kiba na bar bad ka jingwan rung be-ain sha kane ka jylla hynrei kata ruh la shu jer thohmut thohmat da kaba kdew malu mala. Ka SSSS ka la ong ba ka ka jingwang kyrthep ki briew kiba na-bar bad ka jingwan rung be-ain jong ki hapoh kane ka jylla dei ka mat kaba khia bha hynrei katei ka Bill ba ka sorkar ka la tyrwa kam ia dei eiei bad kitei ki mat, Balei yn wanraha ia katei ka Bill ha kane ka jaka ki riewlum haba ka District Council ka la don, ong u Bah Buhphang.
U la ong ruh ba ka Khasi Hills Autonomous District Council (KHADC) shen kan sa wanrah ia ka Khasi Hills Village Administration bill, kaba long kajuh bad ka kyndon treikam ka Bill ba ka sorkar ka thmu ban wanrah, u samla buhphang u la dawa na ka sorkara ba katei ka bill kaba ka la thmu ban pyntreikam kam dei ban wanrah ia ka jingiapher bad ka jingktah ia ka jinglong tynrai bad ka riti dustur jong ka jaitbynriew.
Ha ka juh ka por u President ka Informed, Conscious and Responsible Existence (ICARE), u
Toki Blah u la ong ba ka Bil jong ka sorkar ka long kaba don jingartatien namar kam shym la kynthup eiei ha ka jingwan rung kyrthep ki mynder bad ka jingwan rung be-ain jong ki. U la ong ba ha katei ka Bill la shu ong ba ka dei ka Bill ban wanrah ka jingpynthikna ha ki trai ing kiba ai wai ia u nongshong wai bad ruh ban wanrah ka jingshngain jong ki nongshong shnong kumjuh ruh ban pynneh ia ka suk ka sain ha ka jylla.