Shillong: U General Secretary ka AICC u Dr C P Joshi uba peit ia ka Congress ha kane ka jylla un wan sha Shillong ha ka sngi Baar na ka bynta ban pynkhreh ia ka eleshon.
U Joshi un iashong jingialang bad ki nongialam ka Meghalaya Pradesh Congress Committee (MPCC) bad ka Election Committee ban rai ia ki kyrteng jong ki kyrtong na ka bynta ka elekshon ban wan ha ka jylla.
Ka Congress ka la pynbna ba kan iakhun ha baroh 60 tylli ki konstitwensi ha kane ka elekshon.
Katkum ka jingtip ki don saw ngut ki MLA shimet kiban iakhun na ka Congress ha kane ka kynti. Kine ki kynthup ia u Brigady Marak na Bajengdoba, u Ashahel D Shira na Rajabala, u Michael Sangma na Tikrikilla bad u Bah David Nongrum na Mawryngkneng.
U MLA ka NCP u Marthon Sangma un sa iakhun na ka Congress na ka Mendipathar.