Shah kem 4 ngut ki bar Jylla

Shillong, 31 Risaw:
Ki pulit ka nongbah Shillong ki la kem ia saw ngut ki briew kiba la pyrshang ban pyanmynsaw ia ki pulit bad ki Majistor katba ki dang leit sha Lapalang ban pynpra ia ki iing ba la shna beain ha ka jaka kaba la tip kum ka Behari Collony.
Kine ki saw ngut kiba la shah kem saw ngut la tip kyrteng kum u Uma Shankar Rai (25 snem), Ramji Rai (50 snem), Suraj Rai (32 snem) bad u Lallu Rai (45 snem). Ia ki baroh la dep rah sha iing bishar ba ka iing bishar ka la shah ia ki pulit ba kin tohkit ia ki na ka bynta 6 sngi lynter.
Ki pulit ryngkat bad ki majistor ki la leit sha ka Bihari Collony kaba don ha Lapalang ban peit ia ki iing kiba la kynnoh ba la shna beain ha katei ka jaka.
Kaba la pynkyndit ia ki pulit bad ia ki majistor ka long la wan ki briew kiba shong ha katei ka jaka ba la rah da ki tair pynmynsaw bad beh ia ki pulit. Na ka liang jong ka ain ka la shim khia ia kane ka jing jia bad la ioh ban kem ia ki mynta ka sngi.