Hiar dor ka petrol

New Delhi, 31 Risaw:
Mynta ka sngi, la pynhiar ia ka dor jong ka petrol da T.1.15 shi litar, kaba dei ka jingpynhiar dor, ha ka sien kaba ar jong une u bnai, katba ia ka dor jong ka diesel, la nang pynkiew sha ka 50 naia ha ka shi litar.
Katei ka dor, ka lait noh na kiwei ki khajna bad kan treikam naduh mynta ka miet hi, ong ki kompeni die petrol. Kumta ka dor jong ka petrol ha Deli, kan long mynta T.71.02 pisa shi litar, katba kan shongdor T.78.04 ha Mumbai, na kaba ju long T.79.49 haduh mynta.
Ha shwa kata, ka dor jong ka petrol, ka la kiew dor wut shi wut, naduh u bnai Jylliew, ha kaba ka la kiew dor haduh hynniew sien, kaba la poi sha ka T.10.80 shi litar.