Ka Shillong Lajong, kan pdiang sngewbha ia ka Minerva Punjab FC, ha ka jingialehkai ha ka Sngi U Blei. Ka jingialehkai kan long ha JN Stadium, Shillong ha ka por 2baje nohsngi.
Ki nongialehkai ka Minerva Punjab, ki la wan poi ha ka nongbah Shillong hynnin ka sngi bad ki don mynta ha ka jing pynkhreh bha, da ka jing kilan met ha madan Polo mynta ka step.
Ka Punjab ka la jop ha ka jingialehkai pyrshah ia ka Mohun Bagan da 2-1 ha ka jingialehkai ha Kolkata, ha ka 10tarik Kyllalyngkot. Ka Minerva, ka don ha ka kyrdan kaba ha khlieh duh mynta da kaba ka ioh 19 point na ki 8 tylli ki jingialehkai.
Ka Shillong Lajong FC ka don mynta ha ka kyrdan kaba 4, da kaba ka ioh 14 point na ki 9 tylli ki jingialehkai.
Ki nongialehkai ka Minverva Punjab, kiba dang kilan met ha Shillong, ha ka Sngi Thohdieng.