Pynrung sobjek thymmai ka NEHU ha Tura

Shillong, 30 Risaw:
Ka North Eastern Hill University (NEHU), Tura campus ka la pynrung saw tylli ki sobjek thymmai dang shen. Kine ki sobjek thymmai ki long ka Agri-business Management & Food Technology, Horticulture, Computer Science bad ka History bad Archaeology bad ka MBA Service Management. U Prof Milton Sangma u la iaroh ia ka jinglah ban wanrah ia kine ki saw tylli ki sobjek ha kane ka tnad pule jong ka skulbah NEHU ban ai ia ka jingshakri ha kane ka jylla bad ka thain shatei mihngi ka India bad ka ri. U Pro-Vice Chancellor ka NEHU, Tura campus, Prof ED Thomas u la kdew ia ki jingsdang ba la leh da ka Campus ha kine ki snem. Ha ka jingplie la don lang ki samla pule, ki nonghikai, ki nongtrei bad ki riew rangbah, nokmas bad kiwei.