Shah ther maw ka kali ha Iew Paltan

Shillong,30 Risaw:
U Bah Rich B. Mar wein u la ujor sha ki pulit ka Lumdiengjri PS ba ha miet 29 tarik kata mynhynin ka miet ha ka por 7:30 baje eiei, ki runar ki bym lah ban ithuh ki la ther maw ia ka kali jong u, bad katei ka jingjia ka la jia ha Paltan Bazar, Shillong. Ha katei ka jingshah ther maw, katei ka kali ka la julor, ki pulit ki dang tohkit ban lap ia kiba donkti hakatei ka jingjia.
Lah ruh ban pynkyn maw ba katei ka jingjia ka la jia ha ka por ba ka pakhang surok miet ki seng bhalang ka dang treikam.
Ha kawei pat ka jingjia, ha ka 29 tarik mynta u bnai ki pulit ka Mairang PS , ki la kem ia 3 ngut ki briew kiba la tip kyrteng kum u Phording Marwein (24 ), Weljone Dkhar (27 ) bad u Joiningstar L. Marshillong (28) katba ki dang kit ki waiar tama ba ki tuh na kawei ka jaka pynieng Tower kaba don ha Tiehnongbah (WKH), kitei ki 3 ngut ki la shah kem katba ki dang kit ia utei u waiar uba ki tuh ha kawei ka Tata Nano car kaba don ia u nombar ML-06-4612.