Khang tih shyiap ha Ri-Bhoi

Shillong, 30 Risaw:
Ka Deputy Commissioner ka Ri Bhoi district, ka Pooja Pandey ka la pynbna ia ka hukum ba la khang pyrshah ban tih shyiap tih maw hajan wah ha baroh kawei ka district.
Katkum ka hukum, uno uno u briew ne ka kompeni kim lah shuh ban tih maw ne khlong maw na wah khlem ioh shwa ia ka bor na ka tnad Environment and Forest (MoEF) ka sorkar pdeng bad ka Environmental Assessment Authority (SEIAA) ka jylla.
Kane ka hukum ka mih hadien ba la pynmih da ka National Green Tribunal, Principal Bench, New Delhi da ka jingthmu ban iada bad pynneh ia ka mariang kynthup ki wah, bad ki kynja baim kiba shah ktah na ka jingtih maw, tih shyiap pathar na ki wah bad hajan ki wah.