Wat hangamei, ong ki bos saw

Shillong 29 Risaw:
Lehse ka la long ka kam jah burom sat ia ka Sorkar MUA-II mynta kaba ialam da ka Seng Congress bad ba la khlieh da u Dr Mukul Sangma kum u Myntri Rangbah, namar ka jing eh-rang ka dohnud jong u kum u nongialam ka jylla.U paitbah ka jylla bad wat ki Driver Bus Saw SPTS , ki la iohi ia ka jingrunar jong une u nongialam ka jylla uba ka seng Congress ka jied,uba long thik kum u kpa ba dih bhor u bym sngewthuh shuh ia ka jingeh ki khun ki kti ha iing, hynrei shu byrngem byrsit beit bad kynnoh ia ki katba ka ba jia ba long;khlem tip ban peit ia lade ba dei na ka daw ka jingeh rang jong u hi, ka sa jot ka iing ka sem.
Halor katei ka phang u Bah Donbok Thabah uwei na ki Driver Bus Saw,SPTS u pynpaw ka kynhun ki Driver Bus Saw ki kynnoh ba dei ka jingrunar u Myntri Rangbah Mukul hi,ba sa mad jingeh ki paidbah bad sa mih ki jingiakhih katne. “Ka jingjia ha Motphran ba thang bar jylla, ki jingthang kali , thang ophis , thang dukan bad kiwei baroh dei namar ka sorkar u Mukul” kynnoh kane ka kynhun ki Driver SPTS.Kumta ki Driver SPTS ki kyntu ia ki MLA Congress ba kim dei ban sheptieng kum i khnai hakhmat ka miaw ia u Mukul;hynrei ki dei ban sngewthuh ia lade ba ki dei ki briew jong u paitbah.Kane ka kynhun ka kyntu ia ka sorkar u Mukul ban khot iakren iaki Sengbhalang, ym ban sngew hanga mei ba long Myntri Rangbah, namar ka jingiakhih ILP ki Sengbhalang ka dei ka mat ba ki paitbah ka Bri ju 7trep baroh ki kyrshan laitnoh tang ma u bad ki ba la shah thied ha u.Kane ka kynhun ka pynpaw ba wat u President u sngewthuh ba ki Sengbhalang ki iakhih ia kaba dei;hynrei katba u Mukul bad ki nongbud jong ki leh sat iaki paitbah katne khlem pyrkhat shuh, kaba lang pynshit ir ia ki Sengbhalang ban pynlong jingiakhih.