Mynta sdang pakhang surok miet

Shillong,28 Risaw:
Ka pakhang surok miet ki sengbhalang kan sdang naduh lashai ka sngi ka 29 tarik u risaw bad kan kut ha ka 31 tarik u Risaw, katei ka pakhang surok miet ki sengbhalang kan treikam naduh ka por 7 baje mynmiet haduh ka por 5 baje mynstep.
Ki sengbhalang kham mynshuwa ki la khot ia kum kine ki pakhang shnong, pakhang ophis bad pakhang surok miet ban pynbor ia ka sorkar ban pyntreikam ia ka ILP hynrei haduh mynta mynne ka sorkar hapoh ka jingialam jong u Dr.Mukul Sangma ka la kyntait ban pyntreikam ia ka ILP hynrei ha ka jaka jong ka la tyrwa ban pyntreikam da ka Tenancy Bill.
Katei ka jingkyntait ka sorkar ban pyntreikam ILP da kaba wanrah da ka ain shongwai ka la long pyrshah ia ka jingdawa ki sengbhalang, dei halor katei ka nongrim ba ki la iai bteng ban khot biang da ki pakhang surok miet kum ka jingpynbor ban pyntreikam noh iaka ILP.