Shah kem u kynum U Sohan D Shira, kurup bun lak ka pisa

Shillong,27 Risaw:
U kynum jong u Comander In Chief ka Garo National Liberation Army (GNLA) Sohan D Shira uba la tip kyrteng kum u Ponte Ch Momin u la shah kem mynta ka sngi h bad ki pulit ki la ioh ban kurup ia bun tylii ki tiar siat bad ki kuli ryngkat ki phew lak tyngka ki pisa Bangla na ka ing sah jong u.Utei u kynum u nongialam radbah ka GNLA u la shah kem ha ki pulit ka South Garo Hills District.
Ki pulit kiba dang leit khynra ha katei ka jaka ki la ioh ban kurup haduh T. 3, 34, 100, 63, 000 BD Taka,(pisa Bangla) kawei ka pistol 9mm, 2 tylli ki magazine, 16 tylli ki kuli 9mm ki bym pat pynd onkam, ki waiar, 23 tylli ki mobile phone, ki camera , 11 tylli ki sim card bad kiwei pat ki tiar kiba pyndonkam na ka bynta ki jingpynbthei.
Na utei u nongialam , ki pulit ki la ioh ruh ka kot kaba thoh ia ka kyrteng ki dkhot ka seng kiba la shah pynngat MPDA, haduh mynta ki pulit ki dang pyrshang ban tohkit na u Ponte na ei kitei ki tiar ki wan bad shano la thmu ban pyndonkam ia ki.