Mynta ka Tamasa Monolith, yn plie u Myntri ka sorkar pdeng

Shillong, 25 Risaw:
Ka KHADC ka la pynkhreh da ki snem ban pynlong ia ka Monolith Festival, ha Mawphlang bad lashai ka sngi ka 25 tarik u Risaw ka dei ka sngi sdang jong katei ka Tamasa kaba la sangeh teng ha ki sngi ba la dep namar bym pat dep lut ia ki jingpynkhreh. Ha katei ka sngi sdang ia katei ka Tamasa, u Myntri ka sorkar pdeng uba dei peit ka tnad Tribal Affair u V. Kishore Chandra Deo un long u kongsan bad un plie ia katei ka Tamasa kaba la khmih lynti ba da ki lak ngut ki paidbah na kylleng ki hima kin wan ban ia shim bynta.
Ha katei ka Tamasa kaba ar sngi, la ioh jingtip ba ym tang ki paidbah ka bri u Hynniewtrep ki ban wan ban ia shim bynta hynrei kin don ruh ki briew kiba na bar kiba kwah ban iohi bad ban tip ia ka jinglong tynrai jong ki Khasi.
Ki briew ba nar kynthup ia ki nongwan jngohkai pyrthei, bad ki nongthoh khubor ba na bar kin wan sha katei ak Tamasa ha Mawphlang.
Ar sngi shuwa ban sdang ia katei ka Tamasa, ka KHADC ka la wan ban jurip ia katei ka jaka ha Mawphlang kaba la pynkhreh ban pynlong ia ka Monolith.
Ki la don ki jingpyn khreh na ki hima bapher bapher ha ki jong ki jingpynkhreh ban ia shim bynta ha katei ka Tamasa kaba yn pynkut ha ka 26 tarik mynta u bnai.