Bthah peitngor ka sorkar ba kiew dor u piat

Shillong,23 Risaw:  
Ka sorkar ka la pynmih ia ka jingbthah sha baroh ka District Level Price Monitoring Committees (DLPMCs) ban peitngor ia ka jingkiew dor jong u piat ha kane ka jylla.
Kumba ka long mynta, ka dor jong u piat ha Meghalaya ka kham duna ban ianujor bad kiwei ki jylla ha ka ri” la ong u heh sorkar ha kane ka sngi Balang.
U la ong ba ka DLPMC  kan hap ruh ban peitngor bha bad ban leit jurip ia ki jaka buh ia u piat.
“Namar ba u piat u dei u mar ba lah ban pyut, lah ban ym don jaka buh ruh” la ong u heh sorkar.
Ha kane ka jylla, ka jinglong jingman ka iapher namar ba ia u piat la wan rah nabar jylla.