Dheng kali sha Upper Shillong

Shillong,23 Risaw:
Mynta ka sngi ka la don ka jingdheng kali kaba jur naduh na MES sha ki thain Upper Shillong bad kaba jur eh ka dei na MES ter ter shaduh 3 mer Upper Shillong , ha kaba u SP ka East Khasi Hills u Bah MH Kharkrang u la ong ba katei ka jing dheng kali ka la mih na ki ba bun ki jingaksiden bad ki jingtynrah kali. U SP u la iathuh ba nyngkong kala don ka jingaksiden hapdeng ka Bus BSF bad kawi ka Maruti, hadien kawei ka trok ka la lait lyer ki shaka hapdeng surok, kawei ka maruti car ka la poi sha kynriang surok hadien ba la don ki jingthut ha ka kali, ar tylli ki maruti car ki la shah tynrah ha kawei ka trok bad kitei ki jingjia ki la jia ha ki thain jong ka MES ter ter sha surok Upper Shillong, bad na kitei ki jingjia ki la mih ki jingdheng kali kiba jur.
U SP u la iathuh ba ka don ruh ka jing aksiden hapdeng ka trok Dumper bad ka wei ka Maruti Car hajan Mahari petrol pump bad na katei ka jingjia ka la mih ka jingdheng kali ha ki thain ka Mawlai.