Weng shipor ia U Bishop ka German

Vatican City,23 Risaw:
U Pope Francis mynta ka sngi u a weng kam shipor ia uwei u Bishop na Germany halor ka jingleh bakla jong u da kaba pynsngewthuh bakla ia ka 31 31-million-euro project ban shna ia ka ing sah ba thymmai, u Pope u la kyntait iaka jingpynbor kiba bun ba lang ban wng kam shijunom ia utei u Bishop.
Ka Vatican haduh mynta kam pat shym la pynshai haduh katno por yn weng kam shipor ia u bishop Franz-Peter Tebartz-van Elst na ka diocese jong ka Limburg bad kam shym la ai jingtip ruh ba haei utei u Bishop un pynlut por bad ashaei un leit bad kaei un leh ha kitei kip or ba u dang hap hapoh ka jingshah weng. La iathuh ba ia katei ka jingleh jong u yn shim rai da kaei kaba mih na ka Commission tohkit ha kaba ia dei bad ki jingpynlut pynsep.
La iathuh ruh ba ha kine ki sngi katba u Bishop Tebartz u dang don habar ka kam, ia ka kam jong u yn shim ti ban pyniaid da u vicar general, ka Limburg’s u Rev Wolfgang Roesch, uba la shim ti ia ka kam jong u naduh ka 1 tarik u kyllalyngkot.
Hapdeng ka jingiakynad halor katei ka jingtei ia ka ing ki bishop kaba haduh 31-million-euro ($42 million) u Tebartz-van Elst u la ong ba ka bill ha ka jingshisha ka dei na ka bynta ki 10 tylli ki project bad kan don ka jinglut kaba lah ban tam.