Pyllait thup jingrwai ka ANVC(B), ha ka rakhe lyngkhuh snem

Shillong,22 Risaw:
Ka seng lehnoh ANVC(B) ha ka sngi u Blei ba la lah ka la rakhe iaka sngi lyngkhuh sngi ba la thaw ia katei ka kynhun ki senglehnoh ha Eden Bari camp ha Tura. Ha katei ka sngi ki nongialam katei ka seng ki la pynpaw ba ka seng ka don ka jingang nud na ka bynta ban peit ia ka suk ka sain jong ki paidbah ha ka thain.
U Chairman ka ANVC (B) u Rimpu Marak u la maham ia ki para dkhot ka ANVC(B) kiba la pait la pra na katei ka seng ba kin ym pyndonkam bakla ia ka kyrteng ka seng da kaba leh ia ki kam be-ain ryngkat ka jingpyndonkam da ka shap ka muhor bad a kyrteng ka seng. “Ki paibah kim dei ban ngeit ia kino kino ki riew shimet kiba wan dawa ne ban byrngem ha ka kyrteng ka ANVC(B)” ong u Marak.
Ha katei ka sngi lyngkhuh snem u chairman ka seg u la pyllait ruh ia 6 tylli ki thup jingrwai ha ka ktien Garo ki ba yn sam paidbah khlem hap siew dor ha ki mobile, ha kitei ki thup jingrwai ki kynthup ruh ia ka jingrwai Rap ha ka ktien Garo kaba la ai kyrteng ka “Kupatiani” kaba mut ka jingsneng kaba la shim lang na katto katne ki lain na ka jingrwai u Eminem bad kaba thew ruh ia ka jinglong jingman ha Ri Lum Garo ha kine ki sngi.Kiwei pat ki jingrwai kiba donlang h aktei ka thup jingrwai ki kynthup ia ka Achik Asong, Mikrakbo, Sengani Chasong, Tangna onbo angni janggiko bad ka Bisan Sal. Bisan sal kiba thew ia ki sngi ki jinglong khynnah.
Baroh kitei ki jingrwai ki dei kiba thew bad kren shaphang ka jinglong jingman ha Ri Lum Garo , ka seng ka la iathuh ba shen kan sa pyllait ruh ia ki Video jong kitei ki jingrwai ban pynmih pisa ia ka seng.