43ngut, pynkup burom UDP, Myliem

Shillong,22 Risaw:
Ka UDP Womens’ Wing Mylliem Constituency ka la pynlong ia ka jingialang pynkup burom ia ki 43 ngut ki samla pule ka thain kiba pass ia ka 1st division ha ka SSLC,CBSE bad ICSE Examination ha ka 19 tarik mynta u bnai ha Albera Memorial Hall ha kaba u MLA ka Sohra Constituency u bah Titoss Chyne u la long kum u Kongsan bad u bah Hamlet Dohling kum u Symbud Kongsan.Ha katei ka sngi na ka liang ka UDP ka la pynkup burom kyrpang ruh ia i Lawansuk Lyngdoh Tron i ba la ioh ia ka 1st Class 1st (Gold Medalist) MSC Rural Development &Agricultural Production Examination 2013.
Haba aijingkren kum u kongsan u Bah Titoss u la pynpaw ba ka UDP ka dap da ka jingkmen ban iohi ba ka UDP Mylliem ka long ka shnat kaba im bad kaba treikam bha ba wat hapdeng ka jingshah rem ha ka elekshon hynrei kam shym la shah jop pat ha ka jingshakri na ka bynta u paidbah. U bah Titoss u la pynpaw ruh ka jingai khublei kaba kyrpang ia baroh ki samla pule kiba la ioh pdiang ia kane ka khusnam bad kit bok kit rwiang ruh ba nangne sha khmat kin dang lah ban kynjoh shuh shuh sha ki kyrdan kiba kham shalor.Ha kane ka sngi la ioh ruh ka jingkren na u bah Hamlet Dohling bad na i Lawansuk L Tron kiba la kyntu kynpham ia ki samla pule bad ai mynsiem ia ki ba kin nangiai jam shaphrang ha ki jingpule jong ki. La ioh ruh ka jingkren pdiang sngewbha na i kong Mary Kharmih President Womens’Wing Mylliem Constituency.