Pynkup burom u President palat 2 hajar ngut ki samla pule ka NEHU

Shillong, 22 Risaw:
U President ka ri u Pranab Mukherjee u la pynkup burom ia ki palat 2 hajar ngut ki samla pule kiba pyndep ia ki lain bapher bapher na North Eastern Hills University (NEHU).
Hapdeng ka pakhang shnong ka HNLC, ka hall jong ka NEHU ka la shlei smam da ki samla pule kiba wan ban shim khusnam hadien ba ki la pyndep ia ki jingpule jongki ha ki kyrdan bad lain jingpule bapher bapher. Haba kren ha kane ka jingpynkup burom, u President u la ong ba don kam ban pynkylla ia ka rukom pule ha ka ri na ka bynta ban pynbha ia ka jingpu le ha ka ri.
U Mukher jee u la ai jingmut ba man ka skulbah ka dei ban jied kawei ne ar tylli ki tnad ha kaba ki lah ban kyn tiew ia ka jingpule kaba bha tam.
U la ong ba ka NEHU ka la buh ia ka Cen tre jong ka Culture and Creative Studies kaban kyntiew ia ka jingriew spah ka kol shor ha kane ka thain.
U Mukherjee u la jingmut ba dei ban pynlong ia ka jingwad bniah, ka roi ka par bad ka jingshem thymmei ha ki sobjek namar ba kane ka dei kawei ka daw kaba pynlong ia ki samla ban leit shabar hadien ba ki la dep nangne namar kam don kum kane.
U sngew ba ki skulbah ha India ki dei ban iasyllok bad iateh bad kiwei ki skulbah ha ka pyrthei ban iasam ia ka jinghikai bad ka jingtip halor kip hang bapher bapher.
U la pynpaw ia ka jingsngew bynniaw namar ba ha ka thup kyrteng jong ki skulbah ha ka pyrthei, kiba don 200 tylli, ym don kawei ruh kaban rung na India. U sngew ba kane ka dei namar ka rukom hikai, ka syllabus jong ki skulbah ha India ki bym shym la ianujor bad kiwei ki bynta jong ka pyrthei.
U la ong namar ba ki skulbah ha India kim don ki rukom hikai ba iaryngkat kyrdan bad kiwei ki bynta ka pyrthei, ka la pynlong ia ki samla pule ban mih noh na ka ri ban bteng ia ki jingpule ba kham shalor. “Ngi donkam ban pynkylla ia kane ban bat ia ki samla ka ri”, la ong u Mukherjee.
U la ong ba wat la ka India ka don ki nonghikai kiba tbit pynban kan shim por haduh 80 snem ba kan ioh pdiang ia ka khusnam Nobel Prize. Uba ioh pdiang khadduh dei u Dr. CV Raman.
Um iahap ban ong ba ki sap jong ki nong-India ki long ki bym ler hynrei u la ong ba ka India ka don ka sap ba kynsai ha ka pyrthei ha kaba kiwei ki la ithuh. U la ong ba u Dr R Sen na Kolkata university, Dr Chandrashekhar na Madras Unviersity bad u Dr H Khurana na Punjab University u la pas na ki skulbah ha India hynrei ki ioh pdiang ia ka khusnam Noble Prizeba ki trei ha ki skulbah shabar ka ri ban wad bniah halor ki sobjek.