U ba shoh RS, u snar khaii tuh

Shillong,17 Risaw:
Ka HNYF Riwar Circle ka la kynnoh ba u bar jylla uba la shoh ia u Rangbah Shnong ka Lyng khat dei u snar khaii mar black ha ki thain khappud, ka seng ka la ong ruh ba utei u dkhar u dei uba ju mlien ban pynkulmar ha kaba u la pyn kulmar teng ruh ha Nong tyngur na ki kam khaii Mar Black jong u. Halor katei ka jingleh shlur ki bar jylla ka seng ka la kyntu ia ki rangbah shnong ba ki dei ban peit ngor ia ka leit ka wan ki bar jylla hapoh shnong bad ka la kyntu ruh ba kim dei ban ai lad ia ki bar jylla ban ioh suh khlieh bad lada ki ioh lad ban suh thied kin ym riej shuh. Ka seng ka la ong ruh ba dei ban pyntreikam beit ia ka ILP namarba lada ka ILP kan treikam ki bar jylla kin ym nud shuh ban leh heh kumba leh utei u bar jylla uba la shoh ia u Rangbah Shnong., ong ka kyrwoh na ka HNYF Riwar Circle. Kum ban shu pynkynmaw u rangbah shnong ka Lyngkhat u Bah Stering Khongtiang ha kane ka taiew ba la dep u la shah shoh ha uwei u bar jylla uba la tip kyrteng kum u Nintu Kori .