Nang pur ka jingphet seng UDP, ki nongkitkam ha Mawlai

Shillong, 17 Risaw:
Ka United Democratic Party (UDP) Mawlai Circle hapoh ka jingialam u MLA/MDC Bah Embhah Syiem lieh, kala ban iakynduh jingeh ha ka elekshon MDC 2014 namar ka jingnang bun ki nongkitkam ka unit ka party ki la risain
Hynnin ka sngi, haduh 32 ngut ki Nongialam jong ki Unit bapher bapher ka UDP-Mawlai, kiba kynthup ia ki President, ki Secretary bad kiwei ki Nongialam, kila iehnohkam na ka Party bad kine ki kynthup ia ka Umjaiur, ka Mawtawar, Kynton Massar bad ka shnong ba hehduh ha Mawlai ka Mawlai Mawdat baki. Hynrei kiwei pat ki Shnong, ka UDP kala iapait iapra bad bun ki nongkitkam kila iehnoh kiba kynthup ia ka Mawlai Motsyiar, Mawroh, Iewrynghep.
Ki Nongialam ka Umjaiur Unit kiba la iehnoh kam ki dei u President Bah Kitkupar F.Sun, Bah M.Thabah, Org Secy, Rosina Marwein Social Secy, Karbert Nongbri Sports Secy, Rodrick Myrthong Asst Sports Secy, Nangteiborlang Marbaniang Treasurer, Korbarlin Diengdoh, Asst Treasurer, Jefferson Kharbani Asst Education Secy bad Sabanbiang Sun Asst Publicity Secy.
Na Mawdatbaki ki dei u Bah F.Massar President, Bah Chesterfield Pathaw Chief Organising Secy, J.Warjri Publicity Secy bad kong D Marbaniang Asst Secy ka Womens Wing.
Na Mawtawar kiba iehnohkam ki dei u Bah A.Kharkongor President, N.Mukhim Secy, K Lyngdoh Adviser, kong K.Khyriem Organising Secy, H.Kharkongor Treasurer, Leverson Kharkongor Publicity Secy, Yarman S.Dkhar trasurer bad Phiralin S.Dkhar Asst Secy.
Na Kynton Massar kiba iehnohkam ki dei u Bah M.Kharpuri President, Bah E.Massar Vice President, Bah R.N.syiem Organising Secy, P Khyrim Treasurer bad kiwei.
Na Mawroh bad Motsyiar kiba iehnoh kam ki dei u Bah Florence Nongynrih Vice President ka Mawroh bad kiwei kiwei katba ha Motsyiar pat ki kynthup ia u Bah B Marbaniang General Secy bad u Bah Gordon Khongsit Adviser.
Nalor ki 8 ngut ki Nongialam ka Womens Wing Mawlai Circle kiba la iehnohkam, ki Nongialam jong ka Womens Wing ha ki Unit pat kiba la iehnohkam mynta ki dei i Kong D.Lyngdoh President ka Nonglum Unit, Kong M.Basaiawmoit Secretary ka Nonglum, Kong M.Nongkseh President ka Motsyiar, kong R.Khyriem Org Secy ka Mawtawar.
Kine ki nongkitkam ka party na ki unit bapher bapher ki la iehkam hadien ba u MLA u Bah Embhah Syiemlieh ula kynthoh jur ia kine ki Nongialam ka Circle ba ki dei tang ki nongshongwai jong ka Party hadien ba kila shim rai ban weng noh ia u na ka shuki President ka Circle. Kine ki Nongialam kila shim ia kane ka rai namar ka jingleh kuman hi jong u MLA/MDC ia ki bad ia baroh ki Nongkyrshan bad kumjuh ruh ki paidbah kiba donkam ia ka jingshakri jong u.