Kwah kyrtong MDC ka UDP Mawlai

Shillong, 17 Risaw:
Ka UDP Mawlai Circle kala pynpaw ia ka jingangnud ban pynmih ia u Babu Gervasis Kharmujai kum u kyrtong sha ka elekshon MDC-2014 napoh Mawlai.
Ka kyrwoh na ka UDP Mawlai Circle bala iasoi tang da ki Nongialam ka Youth Wing, kala ong ba ha ka jingtwad jingmut na kiba bun ki nongshongshnong ka Mawlai, kiba bun kila pynpaw ba u Babu Gervasis u long u kyrtong uba biang eh jong ka Party ha ka elekshon MDC-2014 na Mawlai.
U Babu Gervasis u dei u Nonghikai bala rim bha jong ka Sacred Heart Boys Higher Secondary School bad u dei ruh u Khun jong u Babu Linus Shadap, uba la long MDC teng jong ka Mawlai naduh u snem 1979-1988.