Yn pyndep u President saw tyli ki prokram ar sngi

Shillong, 15 Risaw:
Saw tylli ki prokram yn pyndep u president ka ri u Pranab Mukherjee ha ki ar sngi ha ka jingwan jngoh jongu ia ka jylla ban lng ha ka 21 tarik Risaw.
Ka khubor sorkar ka iathuh ba u Mukherjee un ai jingkren ha iing dorbar ha ka 21 tarik Risaw.
Katkum ka prokram, u President un leit beit sha jaka sah u Lat ka jylla ha Raj Bhavan hadien ba la dep kren ha iing dorbar.
Kham hadien ha kane ka sngi, u President un leit ban jngoh ia ka Don Bosco Museum.
Ha ka sngi ba bud, u President un leit sha NEHU ban plie ia ka Innovation Club.
“Hadien kane, u Mukherjee un ai jingkren ha ka Convocation ha NEHU shwa ba un leit phai sha Delhi”, la ong ka khubor sorkar.