“Wat ia U Rangbah Shnong ruh ki dkhar kim burom shuh”

Shillong,15 Risaw:
Ka KSU Pynursla Unit haba pynrem jur ia ka jingshah shoh u rangbah shnong ka shnong lyngkhat ha uwei u bar jylla, kala ong ba ka seng ka pynrem jur ia katei ka jingshlur u dkhar ban ktah kti wat kat ia u rangbah shnong ba la jied bad niew burom da ki paidbah, kane ka long kaei kaei ka dak jong ka jingma , ong ka KSU Pynursla. Ka KSU ka la ong ba donkam eh ban pyntreikam ia ka ILP ha kane ka jylla ban lait na ka jingshah leh trai khlieh ha ki dkhar kiba wan ban sah tang katto katne por hynrei tang la kham syaid ki la sdang sa ka leh ba heh.
Lah ban pynkynmaw ba U Bah Stering Khongtiang, Rangbah Shnong ka Lyngkhat, , ula mynsaw jur hadien ba u la shah tied da u bilor kyiad, ha uwei u bar jylla uba la tip kyrteng kum u Nintu Kori, ha ka miet sngi thohdieng. U bah Khongtiang,ula mynsaw, na ka shyntur, na ki kti bad ki kjat. Utei u rangbah shsnong hadien ba u la shah shoh ha utei u bar jylla u la ujor ia katei ka jingjia sha ki pulit ka Pynursla Police Station.