Pan jingshai u Lat, na u myntri, ia ka phiah konstiwensi ka KHADC

Shillong, 15 Risaw:
U Lat ka jylla Meghala ya u KK Paul u la pan jingshai shwa halor ka bill phiah Konstiwensi ka Khasi Hills Autonomous District (Constitution of District Council) (Amendment) Rules 2013 jong ka KHADC ba la pdiang ha kane ka dorbar ba ladep shen.
U Lat u la bthah ia u u Myntri ka District Council Affairs u Bah HDR Lyngdoh hynne ka sngi ha ka jingiakynduh ha Raj Bhavan ba la iadon lang bad u Chief Executive Member (CEM) ka KHADC u Bah Pynshngainlang N Syiem.
”U Lat u la pan ia ka jingpynshai na ngi halor ka jingpyntreikam ia ka Bill,” la ong u Bah HDR Lyngdoh hadien ba la wai ka jingialang.
U Lyngdoh u la ong ba u Lat u kwah ban tip halor ka Bill phiah Konstiwensi lah ne em ban leh tang da ka kawei ka autonomous district council (ADC) lane hap leh baroh khoit ki District Council kiba don ha ka jylla.
U Bah HDR Lyngdoh u la pyntip ba ka tnad District Council affairs kan sa ai ia ka jingtip kloi shwa ba un leh eiei.
Ia ka Bill la phah da KHADC ha ka 5 tarik u Naitung 2013 bad ka dang ap tang ia ka jingmynjur na u Lat shwa ban pyntreikam ia ka ia ha elekshon MDC ka ban sa wan la shem snem. U HDR Lyngdoh u la ong ba ka Bill ka dang don ha kti u Lat. Kham mynshwa u Lat u la ai jingmut ia ka tnad DCA ban phiah konstiwensi ha baroh lai tylli ki ADC. Hynrei ka KHADC ka ladep phah ia ka Bill ba khlem ka jingmynjur jong u Lat haduh mynta.
Ka Autonomous District Councils jong ka Jaintia bad Garo hills ki la thaw ia Delimitation Committees hynrei ki khlem pat leit rah ha ka iing Dorbar thaw ain. “kitei ki ar tylli ki ADCs ki ladep thaw ia ka Committee jong ki bad ki la sdang ban pyntreikam shait shait”, la ong u Bah Lyngdoh.