300 bilor ki beer bad 605 bilor ka kyiad kurup na Demseiniong

Shillong,14 Risaw:
Ban pyrkhing ba kan ym don kano kano ka jingdie kyiad pathar khamtam ha kine ki lai sngi ba la pynbna kum ki sngi tyr khong kyiad , ki pulit ka jylla ki la pynlong ka jingkhynra kyiad ha ki katto katne ki jaka khnang ba kin ym don kino kino ki jingpynthut ia ka song suk shongsain.
Ha katei ka jingkhynra ki pulit ki la ioh ban kurup 300 bilor ka beer (195000ml) bad 605 bilor ka kyiad phareng (145095ml) bad ka rum haduh 340095 ml naka dukan jong u Manshester Wankhar na Demseiniong. Ki pulit ki la kem ia utei u trai dukan bad la kurup ruh ia kyiad ba la ioh na u.