Iap ba hap na tnum ing

Shillong,14 Risaw:
Ha ka 12 tarik mynta u bnai u Welcome lyngdoh Mairang, 38 snem karta u la hap na tnum ing jong u kaba don ha Lumdieng jri, Shillong hakaba utei u rangbah u la mynsaw jur bad la pynkit ia u sha Dr.H G Robert hospital , shillong nak abynta ka jingsumar hynrei u doktor katei ka Hospital u la ong ba utei u rangbah u la iap naduh ba la wanrah ia u sha hospital.
Ha kawei pat ka jingjia, uwei u rangbah uba la tip kyrteng kum u Plielad Dohtdong u la ujor sha Mawlai PS ba ha ka 13 tarik mynta u bnai ha ka por 9:30 baje mynmiet ki briew kiba shong ha ka wei ka kali Maruti Dezire kaba don ia u nombar ML-05G-9866 ki la kit bor ia u na Mawiong, Shillong bad ki la shoh la dat ia u hapoh kali , hynrei u la ong ba ha katei ka jingjia u la io lad ban phet krad. Ha kaba ia dei bad katei ka case ki pulit ki la kem ia 3 ngut ki briew kiba la tip kyrteng kum u Richard Wahlang (30 ), Kitboklang Marwein (20 ) bad John Peter Lyngkhoi (20 ) bad ki pulit ki la lap iaka kali jong ki ha Mawiong, Shillong.