Shah kem u dkhot ka RBYF

Shilling, 14 Risaw:
Ki pulit ka Ri-Bhoi ki la kem ia u president ka Ri Bhoi Youth Federation (RBYF), Kyrdemkulai unit, u Bah B Star Nongsbap halor ka jingkynnoh ba u donkti ban kawang petrol bom ha ki jingiakhih jong ka seng ban dawa thung kam biang ia ar ngut ki nongtrei ka MUDA Byrnihat dang shen.
Ki pulit ka Ri Bhoi ki la ong ba ki pulit ki la kem ia une u rangbah ha ka miet sngi u Blei.
U Bah Nongsbap la kem halor ka jingkynnoh ba donkti ban kawang petrol ia ka kali ha Umsning ha ka por ba ka seng ka iakhih ban dawa thungkam biang ia ar ngut ki kynthei ba la shah pynsangeh ha ka MUDA haByrnihat. Un shah tohkit lai sngi ha ki pulit.