Rakhe ia ka sngi ki khynnah kynthei ha nongbah

Shillong,11 Risaw:
Mynta ka sngi la rakhe ia ka sngi ki khynnah kynti ha nongbah shillong, Ha katei ka sngi rakhe la wan ban ia shim bynta da ki khynnah kynthei kiba sah ha ki ing sorkar kum ka Shelter Home for Girl, SOS, Umiam, Anne Marga reth Barr, Kharang,East Khasi Hills, A.W. Thomas Children Home, Shillong bad ka St. Marys Convent Orphanage, Shillong.
Haba kren ha katei ka sngi rakhe ia ka sngi ki khynnah kynthei ka kong Theilin Phanbuh Chair person ka Meghlaya State Women Commission ka la ong ba ki khynnah kynthei ki donkam ka jingiada bad ki jingsumar kiba kyrpang khamtam ha ka liang ka jingnang jingstad, ka bam ka dih, dawa dashin bad kiwei pat ki hok ba ki don, ka la ong ba ki donkam ruh ban ioh ka jingiada na ka jingshah lehbein kum ka jingshah lehtohmet bad ka jingpynia shongkha khynnah. Ka kongsan ha katei ka jingialang ka kong Phanbuh ka la ong ruh ba ki khynah kynthei ki donkam ka jingkyrshan bad ka ka lad iarap ha baroh ki liang. Ia kateika jingrakhe la pynlong da ka state social welfare department ha state central Library.
U Bah HM Shangpliang, Director ka Social Welfare Department, u la ong ba la rakhe ia kane ka sngi ha manla ka 11 tarik u risaw kum ka sngi rakhe ia ka sngi ki khynnah kynthei ha baroh shi tyllup ka pyrthei kumba la pynbna da ka sengbah ka United Nation. Ha u 2011. U Bah Shangpliang u la ong ba ha ka jylla la rakhe nyngkong eh ia kane ka sngi ha u snem ba la dep. Kiwei pat kiba la ia donlang ha katei ka sngi rakhe ki kynthup ia u Marak, Deputy Director ka Social Welfare Department, LM Momin, Assistant Director ka Social Welfare bad K Marbaniang, District Social Welfare Officer ka East Khasi hills.