Ban khang thep vote ia kiba nabar, hap pynkylla ia ka RPA

Shillong, 10 Risaw:
Ka sorkar ka dang pynkhreh ban thoh da ka shithi sha u Prime Minister ka India ban pynkylla ia ka Representation of People’s Act (RPA) ban iada na ka jingwan rung ki briew nabar ban ioh hok thep vote ha kane ka jylla.
“Ngin leit rah sha ka sorkad pdeng ban pynkylla ia ka Representation of People’s Act ban tehlakam ia ka jingsngewkhia jong ki paidbah ka Meghalaya ban khang lad na ka jingioh rung thep vote ki briew nabar ha kane ka jylla”, la ong u Myntri Rangbah u Mukul Sangma hapoh ka iing dorbar thawain hynne ka sngi.
Katkum ka jingong u Mukul, ka jingpynkylla ia kane ka ain kan iada ia ka jingbit jingbiang jong ki trai jylla ha kaba iadei bad ka hok ban thep vote.
“Ka shithi la pynkhreh ban phah sha u Prime Minister ban iakren ha jingsynshar ka sorkar ha Delhi bad hadien kane, kan iarap ia ka sorkar ban thaw ia ki lad ki lynti ha kaba iadei ban khang lad ia ka jingioh thep vote ki briew ba wan sha kane ka jylla”, la ong u Mukul.