Dang sah ka Mining Policy ha almari ka sorkar

Shillong, 10 Risaw:
Ka Mining Policy ka dang sah ha almari ka sorkar haduh mynta namar ba ka sorkar ka dang buh sah khlem pat pyntreikam satia.
Ha ka jingshisha, ka sorkar ka la dep pynbna ia kane ka Policy naduh mynshem snem hynrei kam lah ban pyntreikam.
U Myntri Rangbah u Mukul Sangma, u la iathuh hapoh ka iing dorbar mynta ka sngi ba ka donkam ban wanrah ia ki trai par ban ai jinghikai shaphang kane ka policy bad ban ai pynshai ruh sha ki paidbah bad na kane ka daw, ka sorkar kam pat lah ban pyntreikam ia kane ka policy ka Meghalaya Mines and Mineral Policy 2012.
“Ngi dang bthah ia ka Meghalaya Mineral Development Corporation ban ai ia ka jingkyrshan ban hikai ia ki trai par”, la ong u Mukul hapoh ka iing dorbar haba jubab ia ka ILP.
U la ong ba bun bah ki hukum ba la pynmih da ka National Green Tribunal kin long ki ban hap ban ai jingmut ia ka sorkar haba pyntreikam ia kane ka policy.
“Ngin pyntreikam da ka lynti kaba biang ia kane ka policy hadien ba la dep ia ki jingdonkam baroh”, u la bynrap.