Wiang ding ki riew tap khmat ha surok bah Jaiaw & Mawlai

Shillong, 4 Risaw:
Mynta ka miet, ka la don ka jingthang shaka kali, ha ki bynta jong ka surok bah ha Robert Hospital, Jaiaw, ha surok bah Mawlai Iewrynghep bad ha surok bah Mawlai Nonglum ruh kumjuh.
Ki pulit ki la leit ban tem noh ia ka jingklang jong ka ding, kaba mih na kitei ki shaka kali ha Robert Hospital bad kumjuh ha Mawlai Iewryghep, katba ha Mawlai Nonglum, ki la shim noh ia ki shaka ki bym pat kem ding.
Na ki lad khubor, la iathuh ba katei ka jingthang shaka kali, ka dei, namar ba ka jingmih, na ka jing ia kynad ha iing dorbar Jylla mynta ka sngi hapdeng ki liang pyrshah bad u lamphang dorbar Jylla.
U nongthoh khubor, u lap ruh ba mynta ka miet, ki don da ki phew phew ngut ki samla, kiba teh jain iong, na la ki khmat bad kiba iaid ha ki dong bapher jong ka Mawlai bad kiba don bynta ha ki kam thang shaka kali bad ha ka jingpeit, la iohi, kumba kiei kiei, kim shym long satia kiba ishngain, haba peit ia ka jinglong jingman ha ki bynta jong ka Jaiaw, Mawlai.