Na ki ban ioh block thymmai, wan hakhmat eh ka Mylliem

Shilling, 3 Risaw:
U Myntri ka tnad Community and Rural Development C&RD) bah Prestone Tynsong u la kubur ba ka sorkar ka don jingthmu ban thaw thymmai shuh ia ki block ha ka jylla na ka bynta ka jingmyntoi jong ki paidbah.
“Hooid ngi don ka jingthmu na ka bynta ban thaw thymmai shuh ia ki block ha ka jylla” la ong u bah Prestone Tynsong haba kren ha ki katto katne ki nongthoh khubor mynta ka sngi.
“Ngi peit na ka jingbun briew bad kumjuh ruh na ka jingheh jong ka jaka” la ong shuh shuh u bah Prestone haba kylli kiei ki bynta kiba ka sorkar kan pyrkhat na ka bynta ban ai block thymmai. Haba kylli pat kiei ki jaka kiba lah ban ioh block thymmai, na ka liang jong u Bah Prestone Tynsong u ong ba haduh mynta ym pat lah ban ong kiei ki ban ioh block thymmai namar ka sorkar ka dang hap ban bishar bniah shuwa.Hynrei ha ka juh ka por u la iathuh ba ka Mylliem Block ka dei kaba heh bha ka jaka bad ka jingdon briew ruh ka long kumba 4 lak tam bad kane ka la i dei ban ioh block thymmai u la bynrap.Kiwei pat ki jaka kiba kham heh ka jaka ki kynthup ia ka thain Selsela ha Garo Hills, ka thain Umsning ha Ri Bhoi, Mawshynrut ha West Khasi Hills, Laskein ha Jaintia Hills bad kiwei kiwei.