Khot ki nongsynshar ban sangeh iakhih

Shillong,3 Risaw:
Ka kynhun ba 19 ngut ki Khlieh Nongsynshar na ka Grand Council of Chiefs of Meghalaya ka la ia kynduh ia u Myntri Rangbah ka jylla u Dr.Mukul Sangma, U Myntri ba dei peit ia ka District councilu Bah HDR Lyngdoh bad ka Myntri ka kam pohing ka kong Roshan Warjri mynta ka sngi ban pynsngew ha ki ia kaei kaba ki iohi ia ka jingeh ka jylla bad kiwei pat ki mat. Ha katei ka jingiakynduh ki la ia kren ruh ha kaba ia dei bad ka ILP kaba long ka daw jong ka jingiakhih ha kine ki sngi ba mynta, ha katei ka jingiakren shaphang ka ILP u Dr.Mukul u la pynsngew ha ki ba ka sorkar ka la pynkhreh da kiwei pat ki ain ha ka jaka ka ILP bad u la bthah ia ki ba ki dei ban kyntu ia ki sengbhalang ba kin sangeh ia ki jingiakhih bad ban ai ka jingiatreilang ryngkat ryngkat bad ka sorkar. Hadien ba la bthah ia kid a u Myntri Rangbah ki Khlieh nongsynshar ruh ki la kyntu jur ia ki sengbhalang ban wan shakhmat ban ia treilang khnang ban khmih bniah ia katei ka ain thymmai kaba la pynkhreh na ka liang ka Sorkar.
Shuh shuh ha ka jingiakyndun jong ki ia u Myntri Rangbah ki Khlieh nongsynshar ki la ai ka dorkhas ha u halor ka kam kaba mih na ka shithi na ka Ministry Home Affairs(MHA), ka jingdonkam ban pynkhreh na ka liang ka Sorkar jylla ia kiba bun tylli ki ain kiban khmih bad peit ia ka Influx, Infiltration; ka khaii pateng lyngba ki Border Hats kiba don ha ki pud u sam jong ka India bad Bangla, ka jingeh kaba mih na ka Meghalaya Land Transfer Act ha kaba iadei bad ki bad ka jingeh jong ki 11 Hima /Elaka kiba don sha u pud Assam ba kin lum ia ka khajna bad ban register ia ki Land Holding kynthup ia ka bai renew bad ka bai register man ka snem na kito ki briew ha ki thain border kiba la don ki kot ki sla kiba rim ha ki thain Assam -Meghalaya Boundary , ban thaw lad ban iarap ia ki paidbah namar ka jinghiar ka khaii pateng namar ka jingduna ki nongwan jngohkai namar ka jingiakhih, Ban kyntu ia ka Sorkar Jylla ban thaw lad ban ia kren bad baroh ki paidbah kynthup ki seng bhalang, lyngba ki jingiakren kiba khlem da buh kyndon. Ia katei ka kynhun la lam khmat da u Bah John F Kharshiing, Chairman, The Grand Council of Chiefs of Meghalaya, Chairman, Ka Dorbar ki Khlieh Nongsynshar Ka Ri Hynniewtrep, Spokesperson, Federation of Khasi States. Halor kitei ki dorkhas u Dr.Mukul u la tyrwa ban pynlong da ka jingialang kaba kyrpang ban lum da u Bah HDR Lyngdoh, Minister, District Council Affairs, ha kaba yn ia kren janai halor kumno ban jubap sha ka Sorkar India halor ki kam kiba iadei bad ki Khlieh Nongsynshar. U la ong ruh ba ka sorkar ka la shim khia halor ka Influx bad ka Border Hat kaba u la ong ba ka long kaba ai jingmyntoi ia ki paidbah.