Ba shah thang ka kali pulit, shah sospon u draibar kali

Shillong, 1 Risaw:
U nongniah kali jong ka kali Pulit u ba la tip kyrteng kum u Brightstar Pde u la shah suspen na kam namar ka jingleh torti ha ka kam ba la bynshet ha u.
Ka jingshah suspen kam jong utei u draibar kadei namar ba ka kali Pulit ba don ia u number ML02-0026 ba niah ma u ka la shah thang ha Lawsohtun myn ha ka 29 tarik Nailur.
Katei ka kali ba shah thang haduh ban da ingkhong khait bad katei ka jingjia la jia ha ka por ba ki sengbhalang ki pynlong ia ka jingiakhih dawa ILP.