Kawei ka kali pulit kaba don ia u nombar ML 02 0026 ka la ing khong hadien ba ka la shah thang ha ki runar mynta ka miet ha ka por 8: 20 baje eiei. Katei ka kali kaba la shah thang ka dei kaba la pynieng harud surok ha ban leit sha Lawsohtun block IV hajan Ice Factory . Ki pulit kim pat ioh kem ia ki runar kiba donkti ha katei ka jingthang ia ka kali pulit, ka jingtohkit ka dang iaid shakhmat, ong u SP ka East Khasi Hills u Bah M H Kharkrang.
Ha kawei pat ka jingjia, kawei ka trok Pick up kaba dang thymmai ka la shah thang ha ki runar ha ka step sngi saitjain bad katei ka jingjia ka la jia haka por 3 baje mynstep . Ia katei ka trok ki runar ki la leit ban thang ha ka jaka ba la pynieng ia ka ha ophis ka Ri-Bhoi District congress Committee. Ki la don bun kiwei pat ki trok pick up kiba la pynieng marjan bad katei ka pick up ba la shah thang ha katei ka jaka pynieng kali hynrei kitei ki kali ki la lait na ka jingshah thang namarba u Chowkidar u la kyndit naba thiah ha ka por ba ki runar ki thmu ban thang ia kiwei pat ki trok. Ki pulit ki dang pynlong ka jingtohkit bad ki dang buddien ban lap ia ki ba donkti ha katei ka jingjia.
Phi don ban ong eiei?