Yn pynkhlain ia ka tnad Ri dohkha, yn thungkam 63 ngut

Shillong, 27 Nailur:
Ka kynhun Myntri ka la rai ban pynkhlain shuh shuh ia ka tnad Ri Dohkha jong ka sorkar Jylla (fishery department) bad na ka bynta kane la rai ban thungkam sa kumba 63 ngut, la iathuh u Dr. Mukul Sangma Myntri Rangbah ka Jylla.
U Dr. Mukul u la iathuh ba la shim ia kane ka rai namar namar ka sorkar Jylla ka don ia ka prokram aqua mission na ka bynta ban pynshlur ia ki paidbah ha ka liang ka kam ri dohkha ha ka Jylla.
U la iathuh ba ka sorkar ka la rai ruh na ka bynta ban shim khajna kumba 20% ha kaba iadei bad ka entertainment tax kynthup ruh ia ki cinema hall kiba pyni phlim ha ka Jylla. U la iathuh ba ka sorkar ka la mynjur ruh ba ka tnad sam bording jong ka MCCL ba kan wad ia ki lad ki lynti na ka bynta ban pynduna ia ka jingduhnong.
Ha kaba iadei bad ka jingpynmih bording jong ki company shimet ba la khot da ka sorkar, u la iathuh ba ki company kim shym la kloi satia ban wan shakhmat na ka bynta ban pynmih bor ding namar ki kwah ban iashim bynta tang ha ki jingpynmih bording kiba kham heh, la ong u Dr. Mukul Sangma.