Sangeh ki kam pyntriem, ong ka Sorkar

Shillong,26 Nailur:
Ka sorkar jylla kala pynrem jur ia ki kam thombor bad ki kam lehbor kum ki jingiathang kali, thang ophis bad ka jingiaka wang maw ne kawang petrol bomb ne ki jingleh donbor ia ki tiar paidbah ne ki jingdon jingem ki riew shimet kiba la jur bha ha kine ki sngi ha kaba ala kynnoh ba kitei ki dei tang ki jingleh khawpud . U Commissioner & Secretary sha ka sorkar jylla u la ong ba ka sorkar ka la pynshitom ia kiba donkti ban leh ha kum kitei ki kam haka ba u la ong ruh ba haduh mynta ki pulit ki la kem haduh 49 ngut ki briew bad la register case ruh ia ki ha kaba ia dei bad ki kam pyntriem jong ki ha kine ki sngi ba jur ka iakhih ILP.
Haba kdew ba ka sorkar ka dang don hapdeng ka jingiakren ban thaw ia ki buit ki lad kiba biang tam eh na ka bynta ban teh lakam iaka jingwan rung kyrthep ki bar jylla u C& S u la ong ruh ba ka sorkar shen kan sa leit ban pan jingmut bad ban pynshai paidbah halor katei ka mat bad u la ong ba kam long kaba suk ban pyndep ia kitei ki kam tang hapoh khyndiat sngi hynrei ka shim por bad kumta u la kyrpad sha baroh ki paidbah ba kin long kiba iaishah haduh ba ka sorkar kan da shim rai halor ka Influx.
Shuh shuh u C& S ula kyntu ia ki paidbah ba ki dei ban ia shong suk shongsain ym ban pynmih ia ki jingpynkulmar ne kiba kum kitei ki jingjia ia thang opihs, kali bad kiwei bad ki dei ban kiar shisynon na kiba kum kiteiki kam be-ain kiba long pyrshah ia ka imlang sahlang bad ban bud ryntih ia ki ain badki jingpyniaid jong ka sorkar jylla.