Tur ki khar Bangla sha ktem ki BSF

Shillong, 25 Nailur:
Mynta ka sngi, kumba 15tylli ki lieng jong ki khar Bangladesh, ki la wan tur haduh ha ka jaka sah jong ki shipai BSF ha Dawki, ha kaba ki la kawang maw ia ki paidbah kiba sum ha katei ka Wah. Katei ka jingjia, ka dei ha ka por 6duna mynta ka janmiet, ha kaba kitei ki dkhar, ki ia kawang maw bad tuh ia ki maw wah ha kajuh ka por. Ki BSF, kiba don ha katei ka jaka, haba ki iohi, ba ki khar Bangladesh, ki la wan poi haduh ha tyngkong iing jongki ruh kim shym la leh eiei; hynrei, ka dei lyngba ka jingiamih ki samla shnong jong ka Bakur, Dawki, ba ki sa phai dien noh kitei ki dkhar Bangla.