Ioh jingkhein ka WKH ba leit shaw u SDO na ing, 15% ba wan trei

Shillong,24Nailur:
Ki ophis sorkar ha West Khasi Hills ki la kynjah jlam ha ki kynta pakhang ophis ka HANM ha katei ka District. Hynrei namar ka jingleit shaw u SDO Civil Sub-Division Mairang ia ki nongtrei naduh na ing katei ka District ka la ioh jingkhein ba ka jingwan poi trei ki nongtrei ka long 15%. La iathuh ba u SDO Civil Sub-Division Mairang mynta ka sngi u la leit shaw ia ki nongtrei na ing ha ryngkat ki pulit pahara, bad da ka jingwan poi trei kitei ki nongtrei ka WKH ka laioh ban buh ha ka jingkhien ba ka jingwan poi trei ki nongtrei ka long 15%.Lah ban pynkynmaw ba ka HANM ka la khot ia ka pakhang ophis bad ka pakhang surok miet ha West Khasi Hills District kum ka jingiakhih pyrshah sorkar namar ka jingkuman ban weng noh ia u DC ka West Khasi Hills uba ka seng ka la dawa ban dei ban weng noh ia u.Lah ruh ban pynkynmaw ba mynhynin ka sngi ha ka por ba ka pakhang surok miet ka HANM ha West Khasi Hills ka dang trei kam ki la don haduh 2 tylli ki ophis kiba la shah thang kawei ka ophis ka PWD bad kawei pat ka ophis ka Khadi.