Ia kynduh ka MPCC ia U Tiwari

Shillong,24 Nailur:
Ka Meghalaya Pradesh Congress Committee hapoh ka jingialam u President jong ka u Dr. D.D. Lapang, MLA, ka la ia kynduh ia u Shri Manish Tiwari, U Myntri ka tnad Information & Broadcasting, ka sorkar pdeng ha Hotel Pine Wood mynta ka sngi haka por ba utei u Myntri sorkar u dang wan ban jngoh ia ka nongbah Shillong.
La synran ia u Dr. Lapang da u Bah H.D.R. Lyngdoh, Myntri ka tnad Transport etc, Meghalaya, Bah O.L. Nongtdu, MP barim ka Rajya Sabha, Bah Oris S. Myriaw, Vice President, MPCC, Dr. Manash Das Gupta bad Bah B.K. Dey Sawian,ki ar ngut ki General Secretaries, MPCC, kong Szarita Laitphlang, Secretary, MPCC, kong Ebel M. War, President, Mahila Congress bad ki nongkitkam ka Mahila Congress.
Ha katei ka jingiakynduh ka Congress bad u Myntri ka sorkar pdeng u Dr.Lapang u la iathuh ha u Tiwari ia ka jinglong jingman ka seng Congress kumba ka long mynta ha ka jylla. U la pyntip ruh ba ka seng ka la pynkhreh bha na ka bynta ka elekshon MDC bad ka elekshon MP ka ban sa long shen. U Tiwari na ka liang jong u u la kular ia ka Congress Meghalaya ba un iarap bad don ryngkat bad u Dr.Lapang ban pynkhlain iaka Congress ha ka jylla.