Pynrem sorkar, ka KSU Mawlai

Shillong,20 Nailur:
Ka Khasi Students’ Union (KSU), Mawlai Circle ka la pynrem jur ia u Myntri ka tnad pule puthi ka jylla u Dr. RC Laloo bad kumjuh ruh ia u Myntri Rangbah ka jylla u Dr.Mukul Sangma namar ka jingsngap bad ka jingshong kli kti jong ki ha kaba ia dei bad ki jingiakhih kiba ki nonghikai ki la dawa.
Katei ka seng ki samla pule ka la kynnoh ba ka sorkar ka dei ban shim ia ki jingkitkhlieh lada jia eiei ia ki khynahpule khamtam myntaka por ka la dei ban poi noh sha ki eksamin jong ki. Ka KSU Mawlai Circle ka Kyntu Jur iaka Sorkar, khamtam ban shim khia ia kane ka jingeh jong ki nonghikai, khnang ba kan ym ktah ia ka lawei ki khynnan pule bad khmtam mynta ka la dei Ka por ia ki khynnah ba kin ialeh ia ki Exam bapher bapher.
Ka seng ki khynnah pule na Mawlai ka la kyntu jur ruh ia ka sorkar MUA-II, lyngba ka jingialam u Dr Mukul Snagma, ba ka dei ban kit khlieh ia ka jingduh jong ki khynnah skul khamtam ia ka lawei ka jong ki, bad ha kajuh ka por naka liang ka seng ka ai mynsiem ia ki nonghikai ba kin iaid shakhmat iaka jing ialeh ka jong ki haduh ban da jop.bad ha kajuh ka por ka KSU Mawlai Circle ka da ka jing sngew sarong ka ai Mynsiem ia kito ki nong iakhih shitrhem, bad ruh kumjuh kito ki long iing kiba mad ia ka jing eh khamtam kito kiba shah kem na ka bynta kane ka jing iakhih ILP.