Rakhe ka Balang Unitarian, ia ka jingdap 126 snem

Shillong, 18 Nailur:
Ka Balang Unitarian mynta ka sngi, ka la rakhe ia ka jingdap 126 snem jong ka ha Ingmane ha Laban, Shillong.
Ia katei ka jingrakhe la ju pynlong man u snem naduh ba la seng ia ka naduh u snem 1887 da u Hajom Kissor Singh Lyngdoh Nongbri. Ha katei ka jingra khe la iawer ban iashim bynta da kiwei ki kynhun niam ba la wan sakhi da ki paid riew ngeit.
Hynrei katkum ka jingiathuh, ki nongpyniaid ki la ong ba kiba wan sha kane ka jingkhot ki long tang khyndiat eh bad bun ki bym wan ban iashim bynta ha ka sngi.
Ha kane ka sngi ka sorkar ka la ai shuti kyrpang ia ki nongtrei sorkar kum ka jingburom ia kane ka sngi kypang jong ki riewngeit Unitarian.
Ki paid riew ngeit jong kane ka Balang ki la pynlong ka jingrakhe jong ki da ki jingrwai, jingduwai bad la iohsngew ruh ka jingialap na ka ktien jong u Blei.
Nalor ki jingrwai jingduwai la ioh ruh ban pynkup burom ia I Kong Rika Lamar bad la sam khusnam sha ki nongjop ialehkai sports.