Ym shah rung ia ki nongthohkhubor sha ing u Mukul

Shillong,18Nailur:
Ka ing kaba T.10 klur jong u Myntri Rangbah ka jylla u Dr.Mukul Sangma kam shym don tang ka kamra ban shong ki nong thohkhubor ha kaba ki nongthohkhubor mynta ka janmiet ki la hap ban shong ha khyrdop ban rung sha phyllaw ing ha ka por ba ka sorkar ka MUA-II ka la pynlong jingialang mynta ka sngi balang.
Ki kontraktor ba heh jong ka jylla ki la ioh laitluid ban rung sha katei ka ing u Myntri Rangbah, katba ia ki nongthoh khubor pat ym shym la shah ban pynrung wat tang ia ki kali jong ki ruh shapoh. Ha kajuh ka por la pyrkhing bha ia ki nongkhohkhubor ban tur sha katei ka jingialang ka sorkar MUA II ha kaba u Addl. SP u Steve Rynjah, uba long ruh u ophisar pahara jong u Myntri rangbah u la hukum ba ym dei ban tam ia u pud jong ka ing pahara kaba don hangtei ha ka ing ba T.10 klur u Myntri Rangbah.
Hadien ka jingialang jong ka sorkar MUA II , u Myntri Rangbah bad kiwei pat ki Myntri sorkar ki la wan shabar ban kren da ieng bad ki nongthohkhubor.