Kyrshan JACATAM ka HANM

Shillong, 18 Nailur:
Ka seng Hynniew trep Achick National Movement (HANM) ka pynrem jur ia ka jingleh mynthi jong ka sorkar ha lor ki mat jingdawa jong ka JACATAM, na ka kyn hun ki nonghikai , na ka bynta ka hok jong ki bad na ka bynta ka bha ka miat ia ki hadien habud jong ki samla pule ka Ri Khasi baroh kawei.
Kumta na ka liang ka seng hi, ka buh ka jingkylli ba ka kam ai ka jingdawa jong ki nonghikai bad ka ki nonghikai naduh LP, ME, SSA bad kumjuh ki nonghikai college ki ioh tulop shisien 3 bnai ne haduh 4 bnai. Kumta ka seng hi ka pynrem jur ia u Myntri ka tnat pule puthi, Prof.RC Laloo halor ka jingkuman jong u.
Dei halor kane ka nongrim ka Seng hi ka ieng tylli ban ai ka jingkyrshan ba pura na ka bynta ka Joint Action Committee of All Teachers’s Association ( JACATAM) bad ha ka juh ka por ka kyntu ia u Myntri Laloo ba un shah shkor iaki, ong ka kyrwoh na u Bah R Donshiew Office Secretary ka Seng EKH.