Pynjari 144 Cr PC u DC West Khasi, ba jur ka jingiakhih

Shillong, 17 Nailur:
U Deputy Comms sioner ka West Khasi hills district u la pynjari kyndon 144 CrPC ha baroh kawei ka district ha kane ka sngi Hatmajai namar ba don ka pakhang ophis bad pa khang surokmiet ki sengbhalang.
U DC u la mana ban rah ia kino ki tiar siat jong baroh kiba don license ha baroh kawei ka district.
Ka West Khasi hills ka la shah ktah bha nalor ka pakhang ophis bad surok miet ki shiphew seng, kawei pat ka seng ka Hynniewtrep A’chik National Movement (HANM) West Khasi ka la pynlong ia ka jingiakhih ban dawa weng noh ia u DC ba mynta.
Ka HANM West Khasi hills unit ka la dawa ia ka jingiakhih ban dawa weng noh ia u deputy commissioner u Bah Sylverstar Kharkyngdoh.
Ka HANM West Khasi ka la khot ia ka pakhang ophis ha West Khasi Hills district ha ka 23 tarik bad 24 tarik.Ha ka jingshisha ki dkhot ka HANM ki la thmu ban pynlong ia ka jingiakhih da kaba shong kyllain myngor hakhmat ka ophis u DC hynrei ki la shah beh krad ha ki pulit.
Hadien kane, ki la pynlong noh ia ka jingdeng lama iong ha Ladweitang.
Hadien ba la shong jingialang, ki la rai ban khot da ka pakhang ophis ha kitei ki ar sngi ha baroh kawei ka West Khasi Hills.
U chief organizing secretary ka HANM West Khasi hills u John Paul K Bani ha kane ka sngi Nyngkong u la ong ba u DC ba mynta u la shong la lai snem bad katkum ka ain, la dei ban kynriah noh shawei.