Lahduh ka Ri-War Mihngi ha Mawkynrew

Shillong,17 Nailur:
Ka Ri-war Mihngi SS Umtong ka la long ka lahduh ha ka Arts and Culture Prokram 2013-2014 ba la pynlong da ka Mawkynrew C&RD Block, ka Good Shepherd HS School, Jongksha ka laioh ban rah ia ka nam kaba-ar bad ka Holy Cross SS Mawkynrew ka la ioh ban rah ia ka nam kaba lai. Ia katei ka Kompitition la pynlong ha Good Shepherd HSS School, Jongksha. Hadien bakut ki jingialehkai baroh la sam ruh ia ki khusnam sha ki khynnah skul kiba jop ha ki jingialehkai bapher bapher.
Ha katei ka prokram la pynlong ia bun jait ki jingialehkai hakaba la wan ban ia shim bynta da ki 10 tylli ki skul kiba hap hapoh ka Mawkynrew Block. Ki skul kiba la jop ha katei ka jingiakop ba bunjait ki la shah jied ban leit ia shim byntaha ka district Level.
Katkum ka kyrwoh ba la pyllait da u Pastor B. Suting u la ong ba ki paidbah katei ka thain baroh ka kit bok kitrwiang bad ai mynsiem iaki skul kiba la shah jied ba kin wanrah nam rah burom ia ka thain bad ia ka Block baroh kawei.